香港新浪網 MySinaBlog
« 上一篇 | 下一篇 »
B+E | 16th Mar 2012 | ACG - G | (173 Reads)

某遊戲雜誌將此game評爲測試玩家是否真正火影粉絲的作品(真正粉絲才會買一手),個人認為此game是真正火影粉絲都不需要買的作品……作爲系列作第三集,才僅僅第三集,其誠意欠奉的程度已經直逼出黎出去都係咁上下o既《龍珠》系列……甚至有過之而無不及。

還未買又想玩下o既真正火影粉絲朋友們,B+E強烈建議,等系列作第四集。至於首發日入手的B+E是否真正火影粉絲?嘿嘿……ORZ

 NARUTO疾風傳 ナルティメットストーム GENERATION

Picture

本作3大罪名:

1)戰鬥系統無新意兼無平衡:新增cancel與替身限制好壞參半,感覺就像GVG到GVG NEXT PLUS到GVEX一樣從無cancel到有cancel到有虹STEP的分別一樣,不過三集火影系統就只系多左一個cancel實在係差咁D野咯~GV都識搞下MAP炮、搞下覺醒丫~明明3V3的對戰可以有好多野玩,學拳王或MVC3咁可以assist或換人補血都已經好好玩啦,你偏偏要逼兩個人做死assist,可苦呢?而且作為對戰game平衡度實在非常重要,火影系列就越出越唔平衡……佐助開須佐之男後能力簡直逆天,可以無腦無技術老屈你超過6成血,途中跟本完全無可能還擊,避又避唔到,擋又瞬間破防,超必、投技又必擋,所以理論上對上佐助開須佐之男是無解的。唔明?你當同人打GVEX人地有得用BOSS版EXTREME GUNDAM啦(COST都係3000咋)~~即刻明灑~ORZ

2)內容炒冷飯:基本上係第一集加第二集o既畫面加多幾個咁大把o既新角色就當新作。有五影同九尾查克拉模式鳴人用?真係多謝灑wo~!打得贏佐助先算啦~

PicturePicture

 睇鳴人出超大玉螺旋多連丸同九尾查克拉模式係本game唯一價值,which youtube有得睇咯……

3)故事模式不願置評:簡直垃圾,死刑。差不多等於打拳王o既故事模式咁有故事性啦。咁拳王又要死刑?當然唔係啦,唔好唔記得呢隻係火影,原作係漫畫黎,唔好唔記得頭兩集故事模式做得幾好。

B+E評價:等第四集吧啦……買左第三集係我蠢左。

劇情:0/10  (指遊戲交代方式而非原作)

畫面:7/10

音樂:5/10

系統:3/10

耐玩:5/10 

總評:4/10

P.S. 買game o個陣B+E問個老細火影幾錢,老細答「$450」,我問唔跟特典隻OST呢?老細答:「都係$450。」果然殺人蜂D Rap歌真係一蚊都唔值……